٦ أسباب تخليك لازم تروح هونج كونج

هونج كونج ....من أجمل الأماكن فى آسيا من وجهة نظرى لان فيها حاجة مش موجودة فى بلاد كتير

 انها ببساطة جامعة طبيعتين مختلفتين تماما فى مكان واحد ودى حاجة مش موجودة فى اماكن كتير يعنى فيها كده اماكن تحس انك فى

 نيويورك وابراج عالية و sky scrapers وتطور رهيب اللى هى منطقة Central

واماكن تحس انك فى جزيرة ومناظر طبيعية واستجمام زى بالى وبوكيت اللى هى منطقة stanely bay و repulse bay وكل ده مجموع فى مكان واحد

 مش بس كده دى فيها حاجات كتير اوى انا شايف انها بتميزها عن اى مكان فى آسيا :

1.من غير فيزا للمصريين يعنى حضر شنطتك واتكل على الله. 

2.فيها ديزنى لاند هى وطوكيو بس فى اليابان فى كل اسيا وكنت سمعت انهم هيفتحوا واحد كمان فى الصين.

3.فيها أطول مسار خط تلفريك فى العالم اللى واصل هونج كونج بجزيرة لنتاو.

4.فيها تانى اكبر تمثال بودا فى العالم بعد اللى موجود فى دولة بوتان .

5. أسعارها الى حدا ما رخيصة بالنسبة لدول فى مستوى تقدمها .

6.ممكن تروح مكاو برضو من غير فيزا بالمركب لانها قريبه ليها أوى بحوالى 380 جنيه قبل التعويم ممكن تشوفها دلوقتى بقيت بكام .