Travel

آكل ايه فى هونج كونج ناس كتير أوى لما راحت هونج كونج قابلتها مشكلة فى الأكل وقفلت من الأطباق اللى بيقدموها ومن شكلها ومبقتش عرفة تاكل ايه؟ وأى حد مسافر يقولك هى البلد حلوه بس أكلهم مقرف فهحاول فى التقرير ده ان شاء الله اكلمكم عن بعض أنواع الأكل هناك يمكن تساعد أى حد عايز يزور البلد دى    مبدئيا كده وقبل ما اتكلم عن أى حاجه معظم اللحوم والفراخ فى هونج كونج مش حلال فمتوجعش دماغك ودماغ اللى شغال  فى المطعم وتقعد تسألوا لان معظمهم مش هيفهموك وهتصاب بخيبة أمل زى ما حصل معايا بالظبط ...طيب ايه الحل ؟ بص يا سيدى هونج كونج بالرغم من ان أكلها متعب شويه بالنسبة للعرب عموما عشان الCulture بتاعهم مختلف عننا كتير الإ إنها من احسن دول العالم الى فيها تنوع رهيب فى المأكولات وفيها شيفات مصنفين من أفضل شيفات فى العالم. 1.المخبوزات : ودى اكتر حاجة مميزة هناك وبيعملوها حلوه أوى هناك لدرجة إنك ممكن تاكل العيش بس لوحده حاف من جماله  لان معظمه مبيبقاش ساده زى اللى عندنا .....هتلاقى مثلا :  Hash Brown Bread & Melon Bread (Chocolate )&Cheese soft Stick &Sweet Potat

ايه هى أرخص شركات الطيران فى العالم ؟ طيب هو انا هعرفها ليه منا عندى Skyscanner هو بيدور وبيعرف القصة دى لوحده وبيقولى ايه أرخص طيران ؟ هقولك تعرفها ليه حالا عشان مش دايما اختيار Skyscanner هو الأرخص .....ايه ده بجد ؟ ايوه فعلا ممكن انت لما تعرف اسامى الشركات دى وتدور فيها كويس تجيب حاجة أرخص .....ازاى بقى ؟ هقولك .....يعنى مثلا لو انت مسافر من هنا لماليزيا اى حد مبتدئ هيقولك  خش اكتب من القاهرة لكوالالمبور واختار  أرخص حاجة هتظهرلك .....المحترفين هيقولولك طيب ما تشوف كده من القاهرة لبانكوك فى تايلاند أو أى بلد قريبة ليها  لو أرخص بكتير احجز وخش شوف من بانكوك لكوالا على Airasia أو Nokair وشوفها بكام لانها فعلا بتبقى برخص التراب . مش دايما اللفة دى بتنفع.... بس ساعات بتكون شركات منزلة عروض على اماكن معينة وده حصل مع ناس كتير فعلا  يعنى مره كانت العمانية منزلة عرض رخيص جدا على بانكوك و كان فيه فرق فعلا بين التذكره لتايلاند أو انك  تروح على ماليزيا دايركت .....يبقى ساعتها الحل الأرخص و الأمثل انك تروح بانكوك ومنها تروح كوالا عن  طريق Airasia .....

ازاى استخدم المواصلات العامة فى أى بلد فى العالم (المواصلات العامة (الجزء الرابع  لما بتوصل أى بلد جديدة بتبقى مشغول إنك تعرف المواصلات فى البلد دى نظامها ايه . أغلب الناس اللى بتسافر بتحاول تستخدم المترو لأنه الحل الأسهل والأرخص فى معظم الدول  غير ان كمان المترو فى معظم الدول بيبقى مغطى تقريبا معظم البلد فسهل انك تتنقل هناك بتكلفة قليلة ....كويس أوى لحد كدا !!  طيب فى ناس كتير بتبقى قلقانة من حتة أى بلد جديدة حتى لو معاها خرايط المترو للبلد دى ومعاها حق....ليه ؟ عشان أى حد مسافر بلد جديدة بيسأل هو انا هروح هناك ازاى ختى لو فاهم خريطة المترو ؟ مثلا لو عايز أروح أى معلم سياحى هعرف منين إن محطة المترو اللى اسمها كذا لما هنزل عندها  هلاقى المكان اللى بدور عليه ده إن شاء الله ؟؟؟ لأ يا بيه ...مهو أصل خريطة المترو لوحدها كدا حتى لو حافظها مش فاهمها مش هتساعدك هناك خالص ....بجد ؟؟؟ ده حقيقى فعلا ....لازم تعرف الأماكن اللى انت عايز تروحها دى موجودة جنب انهى محطة ...ودى هعرفها ازاى ؟؟ عن طريق الموقع الرائع ده        www.rome2rio.com    الموقع ده مه

هونج كونج (الجزء الثالث) أنا كنت ناوى أكمل الجزء الثالث بالكلام على المواصلات ولكن ناس كتير أوى عمالة تسألنى ....ايه بقى اللى ممكن يتعمل فى البلد اللى انت واجع دماغنا بيها بقالك كتير دى. خلينى اقولك مبدئيا كده لا هى فيها حاجات كتير تتعمل وفعلا تستحق الزيارة وفيها سياحة كتير جدا جدا. طيب قبل ما تكلم معاك عن اللى هيتعمل هناك ...سؤال مهم جدا جدا هو الفسح والأماكن اللى هقولك عليها دى احجزها من على النت فى مصر ....ولا لما أوصل هناك ؟؟؟؟؟؟ أنا رأى إنك تحجزها من هنا على النت أحسن بكتير جدا ....ليه بقى ؟؟؟؟ اولا هتقلل الفلوس الكاش اللى هتخدها معاك كتير ....طيب ممكن حد يقولى طيب ما أروح هناك وأحجزها كريدت ماشى طيب لو حصل اى حاجة مخلتش الكريدت يشتغل هناك ...وارد عادى وحصلت مع ناس كتير هتضطر تحجز كاش وتقلل الفلوس اللى معاك وتبقى قاعد متوتر طول السفرية لحسن الفلوس تخلص طيب متريح دماغك واحجز من هنا خاصة انها نفس الفلوس اللى هتدفع  أول حاجة هكلمك عنها فى هونج كونج فيكتوريا هاربور أو ميناء فيكتوريا وده هتشوف منه الصورة اللى فى خيالك عن هونج كونج اللى بتيجى فى كل

تقرير مفصل عن الإقامة (الجزء الثانى )......  زى ما حاولت فى التقرير الأول إنى أتكلم عن نصائح عموما هتفيد أى حد بيحجز طيران مش شرط هونج كونج بس يعنى. برضو إن شاء الله هحاول فى التقرير ده أغطى موضوع حجز الإقامة فى أى مكان فى العالم مش هونج كونج بس. السؤال الأشهر اللى بسمعوا لما حد بيسأل عن أى بلد بيخطط يسافرها ...هى البلد دى الإقامة فيها غالية ولا رخيصة ؟ مفيش حاجة اسمها بلد رخيصة وبلد غالية فى الإقامة عموما ...فى حاجة اسمها انت ناوى تنزل فين ؟ ..يعنى ايه ؟ يعنى والله لو حضرتك بتدور فى هوستل وجست هاوس وفنادق نجمتين فى انضف الاماكن فى العالم هتلاقى حاجات معقولة . لكن لو بتدور فى فنادق اربع وخمس نجوم أكيد هتبقى غالية ...إذا كان هى أصلا فى مصر غالية مش عارف ليه الناس بستغرب لما تلاقيها بره غاليه ...عشان حضرتك بتدور فى المكان الغلط . يعنى من الاخر حضرتك ايه متطلباتك من مكان الاقامه غير مكان هتنام فيه وده طبيعى فى بلد اول مره تزورها ..اكيد مش قاطع المسافة دى كلها عشان جى تقعد فى الفندق وتتفرج على فخامته ...لو مسافر كل ده عشان تقعد فى الفندق يبقى انت عندك مشكلة. وم

تقرير مفصل عن.حجز أرخص تذكرة طيران طبعا أول سؤال هيتسأل ايه ارخص شركة طيران و امتى وبكام ؟ و هو ده اللى عايز أتكلم عنه بالتفصيل ازاى تعرف اسعار ومواعيد الرحلات اللأرخص عموما ...موقع Sky scanner ببساطة بيوف رلك المعلومات دى ....ماشى مهو اى حد فى الدنيا عارف الموقع ده ايه الجديد برضو ؟؟ ...بصوا اللى اكتشفتوا ان ناس كتير أوى عارفه الموقع بس مش بتعرف تستخدموا صح وانا كنت واحد منهم لحد مفهمتوا ودى شوية حاجات مهمة جدا فى اى بحث عن رحلة طيران : 1. أى حد بيكتب فى خانة detestation from بيكتب Cairo طبعا وده مش صح ...امال اكتب ايه ...اكتب Egypt... ليه بقى ؟ عشان لو كتبتلواCairo هيدور على الرحلات اللى من القاهرة بس وساعات كتير بيبقى فيه رحلات من الغردقة وشرم الشيخ رخيصة جدا بالذات فى أوربا فلما تروح تركب من هناك وتوفرلك 2000 جنيه تصرفهم هناك ده زى الفل مثال : جرب تكتب كده من القاهرة لتبليسى فى جورجيا هيجبلك التركية بحوالى 6300 جنيه تقريبا .....طيب اكتب كده مصر كلها هيجبلك كذا مطار من ضمنهم الغردقة ...افتح كدا الغردقة شوف بقى السعر بقى كام ....هتلاقى Aircairo يا معلم ب 4200جنيه