المواصلات فى السفر
ازاى استخدم المواصلات العامة فى أى بلد فى العالم
(المواصلات العامة (الجزء الرابع
لما بتوصل أى بلد جديدة بتبقى مشغول إنك تعرف المواصلات فى البلد دى نظامها ايه .
أغلب الناس اللى بتسافر بتحاول تستخدم المترو لأنه الحل الأسهل والأرخص فى معظم الدول
غير ان كمان المترو فى معظم الدول بيبقى مغطى تقريبا معظم البلد فسهل انك تتنقل هناك بتكلفة قليلة ....كويس أوى لحد كدا !!
طيب فى ناس كتير بتبقى قلقانة من حتة أى بلد جديدة حتى لو معاها خرايط المترو للبلد دى ومعاها حق....ليه ؟
عشان أى حد مسافر بلد جديدة بيسأل هو انا هروح هناك ازاى ختى لو فاهم خريطة المترو ؟
مثلا لو عايز أروح أى معلم سياحى هعرف منين إن محطة المترو اللى اسمها كذا لما هنزل عندها
هلاقى المكان اللى بدور عليه ده إن شاء الله ؟؟؟
لأ يا بيه ...مهو أصل خريطة المترو لوحدها كدا حتى لو حافظها مش فاهمها مش هتساعدك هناك خالص ....بجد ؟؟؟
ده حقيقى فعلا ....لازم تعرف الأماكن اللى انت عايز تروحها دى موجودة جنب انهى محطة ...ودى هعرفها ازاى ؟؟
عن طريق الموقع الرائع ده www.rome2rio.com الموقع ده مهم جدا لأى حد مسافر
عشان بتقدر عن طريقه تعمل سيرش بالاماكن السياحية كمان مش شرط من محطة لمحطة .
يعنى بمجرد متعرف مكان الإقامة بتاعتك جنب انهى محطة وتعرف اسمها ممكن تكتبها فى الموقع ده
وتقوله على أى مكان نفسك تروحوا وهتشوف العجب .....ايه بقى اللى هيحصل ؟؟؟
1.هيقولك المكان اللى انت عايز تروحوا ده جنب انهى محطة ويبعد اد ايه بالظبط عن المكان اللى انت جى منه .
2.هيقولك بالتفصيل الRoute اللى هتمشى فيه لحد ما توصل ....يعنى مثلا هيقولك اركب المحطة اللى اسمها كذا
وغير فى المحطة الفلانية اللى لون خطها كذا عشلن تكمل وتوصل للمكان اللى انت عايزه اللى جنب المحطة اللى اسمها ايه.
3.هيطلعلك كل الابشنز الموجودة بين المكانين دول يعنى لو الطريق ده ممكان يتراح بالمترو وممكن يتراح بالاوتوبيس هيقولك
وهيقولك كمان ايه رقم الاتوبيس.
4.هيقولك ايه سعر كل حاجه يعنى المترو بكام والاتوبيس بكام والتاكسى بكام فتقدر تختار أرخص حاجه .
5.الموقع ده بيكمل معاك لحد ما توصل المكان ....يعنى ايه ؟؟؟ يعنى المكان اللى انت رايحه لو مش جنب محطة مترو
هو هيوصلك لأقرب محطة وبعد كدا هيقولك كمان تركب ايه من هناك عشان توصل.
6.استخدامه رائع فى السفر بين المدن اللى جوه نفس البلد ....يعنى مثلا لو انت فى باريس فى فرنسا وعايز تروح مارسيليا
اكتبله كدا ...هيقولك ممكن تروح بالقطر وسعره بكام وممكن تروح بالاتوبيس وسعره بكام وممكن تروح طيران وسعره بكام.
بعد ما تعمل كده لازم تعرف انظمة اشتراك المواصلات للبلد اللى انت رايحها وتقرأ عنها كويس لانها بتبقى كذا نظام
فشوف انهى أرخص نظام ليك .
عشان لو قررت انك متجبش ولا نظام من اللى موجودين فى البلد وإانك كل مره تقطع تذكرة وتركب المواصلات
هتبقى غاليه اوى كدا والبذات لو بتتنقل كتير
فيه كروت أرخص وأفيد بكتير من إنك كل مره تقطع تذكره
زى مثلا Octopus Card اللى فى هونج كونج و Your singapore فى سنغافوره و Istanbul Card فى اسطنبول
الحاجات دى أحسن بكتير ومفيده اوى ...مثلا انت تقدر تستخدم ال Octopus Card ده فى الشوبينج او انك تشترى بيه أى حاجه هناك ...يعنى مش مضطر تمشى بفلوس معاك كتير ....ممكن تشحن الكارد ده وتتعامل بيه زى الDebt Card بالظبط
وأغلب المحلات والماركت بيتعامل بيه عادى هناك وبتركب بيه أى حاجه هناك بتتحرك ....مترو ..أتوبيس ...أى حاجه
يعنى من الاخر لو عايز تعرف هتركب ايه فى هونج كونج ....هات الاماكن اللى قولتلك عليها فى الجزء الثالث
ودخلها فى الموقع ده وهو مش هيسيبك غير لما توصل.
يا رب تكونوا استفدوا.
Comments
Post a Comment