جنوب أفرقيا (الجزء الأول)
أول حاجة هتكلم فيها عن جنوب أفرقيا هى الفيزا وكيفية التقديم والورق المطلوب. بص يا سيدى فيزا جنوب أفرقيا من أحسن الفيز اللى ممكن تقدم عليها فى حياتك......ليه؟؟؟؟؟ أولا: الفيزا الوحيدة اللى فى مصر على حد علمى اللى ببلاش...يعنى رسوم الفيزا صفر للمصريين ودى حاجة جميلة جدا عشان هتوفر مبلغ محترم خاصة لو طالع معاك حد عشان كل الفيز اللى فى مصر محسوب قيمتها بالدولار وبعد التعويم بقى رقم كبير أوى ثمن الفيزا اللى بتقدم عليها. ثانيا: السفارة طالبة حجز مبدئى للطيران والإقامة وهما قايلين كدا .....متحجزش حجز مؤكد قبل ما تاخد الفيزا وده سهل جدا وهقولك تعملوا إزاى وإنت قاعد فى البيت من غير شركة سياحة ولا أى حاجة. الورق المطلوب: - حجز طيران وإقامة مبدئى زى ما قولت مش شرط يكون مدفوع. - HR Letter من الشغل عندك أو إثبات قيد لو لسه بتدرس. -Bank Statement لآخر 3 شهور. -صورة خلفية بيضاء. -استمارة التقديم تنزلها من على النت وتملى البيانات. السفارة ملهاش معاد معين للتقديم يعنى بمجرد متكمل ورقك توكل على الله واطلع على السفارة بس هما شغالين من يوم الإثنين للخميس من الساعة 9 ص